Ti Embann ar Skolioù : ur garta ingalded paotred-merc'hed
Paotred dispont ha merc'hed aonik, ar vamm a zo o fardañ boued er gegin hag an tad a zo o labourat er-maez : diaes a-walc'h eo terriñ serten stereotipoù. Dont a rafe aesoc'h an traoù ma ne vefent ket desket d'ar vugale er skol ! Hervez Kod an Deskadurezh eo sañset ar skol kas an ingalded paotred-merc'hed war-raok ha stourm a-enep d'ar seksism.
Gant an ti-embann TES e vez embannet levrioù brezhonek ha dafar pedadogel evit ar vugale hag ar bloaz-mañ neuze eo graet e soñj gantañ da sevel ur garta-embann, « ingalded merc’hed-paotred », kuit da gaout klichedoù e-giz-se war-c'horre o levrioù. Selaouomp Delphine Le Bras, renerez Ti-Embann ar Skolioù.
Ar garta : https://www.reseau-canope.fr/tes/medias/files/general/karta-embann-tes.pdf)
